အပိုင်း(၂)

ကုရ်အာန်ကို သဘောပေါက်နားလည်စွာ ရွတ်ဖတ်ဘို့ လိုအပ်ပါသလား ?

       ဒီနေ့ ကမ္ဘာပေါ်မှာ မုစ်လင်မ် လူဦးရေ သန်းပေါင်း ၁၂၅၀ - ကျော် ရှိပါတယ်။ ဒါပေမယ့် အရ်ဗီစကားပြောကြတဲ့ အာရဗ်မုစ်လင်မ်ဟာ (၁၅) ရာခိုင်နှုန်းနီးပါးပဲ ရှိတယ်။ အာရဗ်မုစ်လင်မတွေကို ဖယ်လိုက်ရင် အာရဗ်မဟုတ်တဲ့ မုစ်လင်မ် အနည်းအကျဉ်းမျှလောက်ပဲ အရ်ဗီဘာသာရပ်ကို နားလည်ကြတယ်။ စုစုပေါင်းလိုက်ရင် ရာခိုင်နှုန်း(၂၀) နီးနီးလောက်ပေါ့။

       ဒါကိုကြည့်ရင် မုစ်လင်မ် ရာခိုင်နှုန်း(၈၀)ကျော်ဟာ အရ်ဗီကို အဓိပ္ပါယ်နဲ့တတ်မြောက်မထားကြဘူး။ ကလေးတစ်ယောက် မွေးဖွားလာပြီဆိုရင် ဒီကလေးဟာ ဘယ်ဘာသာစကားမှ တတ်ကျွမ်းမလာပါဘူး။ (သူ့မှာ ကိုယ်ပိုင်ဘာသာစကားမရှိပါဘူး)။ ပထမဆုံးအနေနဲ့ သူ့မိသားစုက ပြောဆိုနေကြတဲ့ ဘာသာစကားကို သူတတ်မြောက်လာပါတယ်။ အဲ့ဒီနောက်မှာ သူနဲ့ အနီးဆုံး ပတ်ဝန်းကျင်က စကားကို နားလည်မယ်။ ဒီနောက်မှာ သူပညာသင်ကြားတဲ့ ကျောင်း၊ တက္ကသိုလ်၊ ကောလိပ် တို့က သက်ဆိုင်ရာ သင်ရိုးမှာပါတဲ့ ဘာသာစကားတွေ ၊ စာပေတွေ ၊ ပြီးတော့ အထူးပြုပြီး သင်ယူရတဲ့ အခြားဘာသာစကားတွေကို သူ သင်ကြားတတ်မြောက်စေနိုင်တယ်။ လူတစ်ယောက်ဟာ ဘာသာစကား ၂ မျိုး၊ ၃မျိုးလောက်တော့ တတ်မြောက်နိုင်ကြပါတယ်။ တစ်ချို့ဆိုရင် (၄-၅)မျိုးအထိ တတ်ကြတယ်။ တစ်ချို့ဆိုရင် ဘာသာစကား အများကြီးတတ်မြောက်ထားကြတယ်။ သာမန်လူတစ်ယောက်အနေနဲ့ ဘာသာစကား ၂-မျိုး၊ ၃-မျိုးလောက်တော့ သင်ယူနိုင်စွမ်းရှိကြပါတယ်။ ဒီအနေအထားရှိလျက်နဲ့ ကျွန်တော်တို့အပေါ်မှာ အလ္လာ့ဟ်ရဲ့လမ်းညွှန်မှုဖြစ်တဲ့ ကုရ်အာန်၊ ပြီးတော့ နောက်ဆုံးတမန်တော်အပေါ် အပြီးသတ်ပို့ချပေးခဲ့တဲ့ အလ္လာဟ်ရဲ့ လမ်းညွှန်မှု ကုရ်အာန်၊ ဒီကုရ်အာန်ရဲ့ ဘာသာရပ်ဖြစ်တဲ့ အရ်ဗီဘာသာစာပေကို တတ်မြောက်နားလည်ကြဘို့ မလိုဘူးလား ? နားလည်အောင် သင်ယူကြဘို့တာဝန်မရှိဘူးလား ?

       ဒီနေရာမှာ အချက်တစ်ချက်ကို သိထားဘို့လိုတာက အသက်အရွယ်ဟာ ကောင်းမြတ်တဲ့အလုပ်တစ်ခု ဆောင်ရွက်ဖို့ရာ အဟန့်အတားမဖြစ်စေပါဘူး။ ဒါနဲ့ပတ်သက်ပြီး ကျွန်တော် သာဓကတစ်ရပ်တင်ပြပါ့မယ်။ ဒီသာဓကကတော့ ဒေါက်တာမောက်ရိစ်ဘူကေလ်နဲ့ ပတ်သက်ပါတယ်။ သူက ခရစ်ယာန်တစ်ယောက်ပါ။ ပြင်သစ် အကယ်ဒမီသိပ္ပံရဲ့ ဆေးဘက်ဆိုင်ရာ သိပ္ပံပညာရှင်တစ်ယောက် ဖြစ်ပါတယ်။

       သူဟာ (၁၉)ရာစုမှာ ရှာတွေ့ခဲ့တဲ့ ဖိရ်အောင်(န်)ရဲ့ ရုပ်ကလာပ်ကို သုတေသနပြုဖို့ အရွေးခံခဲ့ရတယ်။ သူ့အနေနဲ့ ခရစ်ယာန်တစ်ယောက် ဖြစ်တဲ့အလျောက် Bible (သမ္မာကျမ်းစာ)အရ ဖိရ်အောင်န်ဟာ တမန်တော်မူဆာ (ငြိမ်းချမ်းမှုနှင့်ပြည့်စုံသူ)ကို အန်တုဖက်ပြိုင်ခဲ့တဲ့ ဘုရင်ဖြစ်ကြောင်း သိထားပြီး ဖြစ်တယ်။ပြီးတော့ ဖိရ်အောင်(န်) ရေနစ်သွားတာကိုလည်း သူသိထားပါတယ်။ မောရိစ်ဘူကေလ်ဟာ အရဗ်နိုင်ငံတွေ လှည့်လည်နေတုန်း အရဗ်တစ်ယောက်က ပြောပြလို့ ကုရ်အာန်မှာပါတဲ့ ဖိရ်အောင်(န်)အကြောင်းကို သိခွင့်ရခဲ့တယ်။ ကုရ်အာန် (၁၀း၉၂) မှာ ဒီအကြောင်းကို ဒီလိုဖော်ပြထားပါတယ်။

فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً ۚ وَإِنَّ كَثِيرًا مِّنَ النَّاسِ عَنْ آيَاتِنَا لَغَافِلُونَ

ယနေ့ ငါအရှင်က နောင်လာနောက်သားတို့အဖို့ သက်သေသာဓကတစ်ရပ်ဖြစ်စေဘို့ အသင့်ရဲ့ရုပ်ကလာပ်ကို ထိန်းသိမ်းထားမယ်။

       ဒီအကြောင်းကို သူသိလိုက်ရတော့ တော်တော် အံ့သြသွားပါတယ်။ နှစ်ပေါင်း - ၁၄၀၀ ကျော်က ပို့ချပေးခဲ့တဲ့ ကုရ်အာန်မှာ ဖိရ်အောင်(န်)ရဲ့ ရုပ်ကလာပ်ကို ထိန်းသိမ်းထားမယ့်ကတိ ဘာ့ကြောင့် ပါရှိနေရသလဲ ? ဒီအချက်အပေါ် အံ့သြသွားရတာပါ။ သည်အံ့သြမှုက သူ့ကို ကုရ်အာန်ဘာသာပြန် လေ့လာဘို့ အကြောင်းတစ်ရပ် ဖြစ်စေခဲ့တယ်။ ကုရ်အာန်ဘာသာပြန် လေ့လာပြီးတဲ့နောက်မှာ အရ်ဗီစာပေကို လေ့လာဘို့ တစ်ဖွားဖွားဆန္ဒဖြစ်ခဲ့တယ်။ ဒါက ကုရ်အာန်ရဲ့ နက်နဲမှုက ပေါက်ဖွားလာတဲ့ စူးရှထိရောက်မှုတစ်ခုပါ။ အဲသည့်အချိန်မှာ သူ့အသက်က (၅၀) ရှိနေပါပြီ။ ဒါပေမယ့် သူဟာ အရ်ဗီဘာသာရပ်ကို တတ်မြောက်အောင် သင်ယူခဲ့ပါတယ်။ သည့်နောက်မှာ ကုရ်အာန်ကို အရ်ဗီလို တိုက်ရိုက် နားလည်အောင်ကြိုးစားပြီး Bible - ကုရ်အာန် နဲ့ သိပ္ပံဆိုပြီး စာအုပ်တစ်အုပ် ပြုစုခဲ့တယ်။ ဒီစာအုပ်ဟာ လူသိများတဲ့ စာအုပ်ပါ။ ဘာသာစကား တော်တော်များများနဲ့ ပြန်ဆိုခံရတဲ့ စာအုပ်တစ်အုပ်လည်း ဖြစ်တယ်။ ဒီအကြောင်းပြောပြရတဲ့ရည်ရွယ်ချက်က လူတစ်ယောက်၊ ပြီးတော့ သူက ခရစ်ယာန်၊ အသက်အားဖြင့်လည်း (၅၀)၊ ဒီလိုအခြေအနေမျိုးမှာတောင် ကုရ်အာန်အပေါ် စိတ်ဝင်စားမှုက သူ့ကို အရ်ဗီသင်ယူဘို့ တွန်းအားပေးခဲ့တယ်။ ကျွန်တော်တို့မှာ မောရိစ်ဘူကေလ်မှာရှိတဲ့ ဇွဲနဘဲ၊ စိတ်ဓါတ်ခွန်အားမျိုး မရှိကြလို့သာ ကုရ်အာန်ကို နားလည်အောင် မသင်ယူကြတာလို့ သုံးသပ်နိုင်တယ်။ သူ့လို ရယူလိုမှုမျိုး၊ စိတ်ဇောအဟုန်မျိုး မရှိကြဘူး။ မည်သို့ဆိုစေဦးတော့။ အရ်ဗီနားမလည်ဘူးပဲထား။ ကုရ်အာန်ဘာသာပြန်ကိုတော့ လေ့လာလို့ရပါတယ်။

       မော်လာနာ အဗ်ဒုလ်မာဂျိဒ် ဒရ်ယာဘာဒီက စကားတစ်ခွန်းပြောထားတာရှိတယ်။ ကမ္ဘာတစ်ခုလုံးမှာ လျှို့ဝှက် အနက်နဲဆုံးနဲ့ အသိမ်မွေ့ဆုံးကျမ်းဖြစ်တဲ့ ကုရ်အာန်သည်ပင်လျင် ဘာသာပြန်ဆိုလို့ရခဲ့တယ်။ ဘာကြောင့်လဲဆိုတော့ ကုရ်အာန်ရဲ့ ဘာသာစကားဟာ အလ္လာဟ်ကရွေးချယ်ခဲ့တဲ့ ဘာသာစကားဖြစ်တယ်။ ပြီးတော့ အလွန် ကောင်းမွန်ရိုးစင်းတဲ့ ဘာသာရပ်လည်း ဖြစ်တယ်။ အံ့ဖွယ်ရာ အချင်းအရာလည်းဖြစ်တယ်။ ကုရ်အာန်ရဲ့ အာယသ် တစ်အာယသ်ဟာ အသိဥာဏ်ကြွယ်သူ၊ ပညာတတ်တစ်ယောက်ကို ထိရောက်စူးရှမှု ဖြစ်စေနိုင်သလို၊ သာမန်အနေအထားမှာရှိတဲ့ လူတစ်ယောက်ကိုလည်း ထိရောက်စူးရှစေနိုင်တယ်။ ဒါဟာ ကုရ်အာန်ရဲ့ ထူးခြားမှု၊ မွန်မြတ်သန့်စင်မှုတစ်ရပ် ဖြစ်ပါတယ်။ တစ်ချို့ အရ်ဗီစကားလုံးတွေဆိုရင် အဓိပ္ပါယ်ပေါင်း ၅၀-ကျော်ရှိတယ်။ ကုရ်အာန် တစ်အာယသ်ကို ရှုထောင့်အသွယ်သွယ်ကနေ ဖွင့်ဆိုလို့ရနိုင်တဲ့ အနေအထားရှိတယ်။ အဓိပ္ပါယ်ကြွယ်ဝတဲ့ အနေအထားမှာရှိတယ်။ဒါကြောင့် အလ္လာဟ်ရဲ့အနက်နဲဆုံးကျမ်းနဲ့ နောက်ဆုံးကျမ်းဖြစ်တဲ့ ကုရ်အာန်ဟာ ဘာသာပြန်ဆိုလို့ရတဲ့ အနေအထားတစ်ရပ်မှာ ရှိပါတယ်။ မည်သို့ဆိုစေ ဒီကနေ့ ကမ္ဘာပေါ်မှာရှိခဲ့ကြတဲ့ ကုရ်အာန့်ပညာရှင်များဟာ ဘာသာစကားအသီးသီးနဲ့ ကုရ်အာန်ကို ပြန်ဆိုခဲ့ကြပြီးဖြစ်တယ်။ ရေပန်းအစားဆုံးနဲ့ အများဆုံး အသုံးပြုကြတဲ့ ဘာသာစကားတွေထဲမှာ ကုရ်အာန်ကို ပြန်ဆိုထားကြတာ အများကြီးရှိနေတယ်။ အကယ်၍ ကျွန်တော်တို့အနေနဲ့ အရ်ဗီနားမလည်ခဲ့ရင်တောင် ဘာသာပြန်ပြီးသား ကုရ်အာန်ကို အနည်းဆုံးတော့ လေ့လာဖတ်ရှုသင့်ပါတယ်။ ကိုယ်ကျွမ်းကျင်တဲ့ ဘာသာစကား တစ်ခုခုနဲ့ ကုရ်အာန်ကို လေ့လာကြဘို့ တိုက်တွန်းလိုတယ်။ အူရ်ဒူ၊ ဖာရ်စီ၊ အင်္ဂလိပ်၊ (မြန်မာ) အစရှိတဲ့ မိမိကျွမ်းကျင်တဲ့ဘာသာနဲ့ လေ့လာကြပါရန် (တိုက်တွန်းနှိုးဆော်လိုက်ရပါသည်။)